✿╮❤╭✿
✿雜感女生
好味日記✿
˚*•✰。牛站：牛魔王同海鮮控嘅天堂，食到舔舔脷！。✰•*˚
✿✿小資女的Dolce Vita✿✿
❤餓底飯聚．食勻全世界❤
❤吾係POL - Peggy On Line．Proof Of Life❤
❤
話說天氣仲係涼，決定同個friend去打邊爐。
我哋揀咗呢間牛站（駅）去放肆一番。
一入到去，即刻被陣濃烈嘅牛肉香味同麻辣湯底嘅蒸氣包圍，
成個氛圍已經話俾你聽，今晚注定係一場邪惡但滿足嘅火鍋盛宴。
我哋揀咗個牛小排套餐，成人每位$348。
選椰青清湯底，坐低冇耐，就急不及待用手機落單。
呢度嘅選擇真係多到眼花撩亂，好似入咗個寶藏庫咁。
首先要狂讚嘅係佢哋嘅海鮮拼盤！一上枱，賣相已經好澎湃，
啲海鮮鋪到滿一滿，見到都開心。
作為海鮮控，我哋encore咗1轉。
特別要提嘅係隻「蠔王」，真係超大隻，漲卜卜，
淥完之後一咬落去，鮮甜嘅汁液喺個口度爆開，
正！鮑魚新鮮得嚟夠腍，
花膠厚身，索晒湯底嘅精華，食落口感軟滑，
感覺成碗都係骨膠原。
仲有大頭蝦，蝦頭爆晒膏，蝦肉爽口彈牙；
象拔蚌片切得透薄，輕輕淥幾秒就食得，
入口爽脆帶甜，呢個真係必食推介！
講到牛肉，呢度絕對係牛魔王嘅天堂。
我哋試勻晒SRF極黑和牛、澳洲M5和牛、特上牛小排同安格斯牛板腱。
特上牛小排簡直係藝術品，油花分佈均勻得嚟好似雪花一樣，
放落湯底輕輕拖三秒，變色就夾起，
入口即溶，油脂嘅甘香瞬間充斥成個口腔，
軟嫩得嚟牛味又濃，忍唔住食完一碟又一碟。
澳洲M5和牛嘅油脂感更重，嗰種柔軟嘅口感，
真係有少少喺舌尖上溶化嘅感覺，食多幾塊都唔覺膩。
而極黑和牛片嘅肉味就相對實在啲，
安格斯牛板腱就比較爽口有咬勁，幾款輪住食，口感好有層次。
食到一半，我哋仲叫咗隻燒乳鴿皇。
一上枱，隻乳鴿金紅油亮，
皮脆肉嫩，喺火鍋中間食番味香口嘢，感覺好夾。
自助區仲有好多驚喜，有小龍蝦同燒腩仔，水準都唔錯，忍唔住拎
咗轉。
食到最後，本來個胃已經漲到上心口，
但一見到生果區同甜品櫃，又好似有第二個胃打開咗。
今次竟然有勁巨型嘅士多啤梨，每粒都又甜又多汁，
絕對係誠意之作。雪糕櫃仲要係Häagen-Dazs任食！
有好多款口味，見到期間限定嘅味道真係忍唔住手，
冰火交替咁為呢餐畫上完美嘅句號。
店員個個都面帶笑容，好有禮貌，落單收碟快，
成個用餐體驗都令人覺得好放鬆自在。
總括嚟講，呢餐性價比真係超高。
三百零蚊，食到咁豪華嘅食材，
而且牛肉同海鮮嘅品質都非常穩定同出眾
絕對值得再來幫襯
小評：
味道：★★★★☆
環境：★★★★☆
服務：★★★★☆
衛生：★★★★☆
抵食：★★★★☆
❤
餐廳：牛站(駅)麻辣火鍋放題
地址：尖沙咀加連威老道2-6號愛賓商業大廈1樓102號舖
❀
感恩呢
❤❤❤❤拍個好碼頭！❤❤
❤❤
❀
☀(◕ܫ◕)✿
❤❤❤❤❤❤❤❤
❤❤❤合作及活動邀請❤❤❤
歡迎聯絡Email:applepeggy168@gmail.com
For Collaboration and
Invitation,
Please send to : applepeggy168@gmail.com
這是純粹分享個人感受的小小後花園，
人人DNA不同，感受因人而異，特此聲明。
免責聲明：
本blog所發表的全部內容均屬個人意見及感受，
並不代表該店舖或品牌之言論及立場。
本blog提供的資料並不可視為詳盡及權威性的說明，
亦不可取代專業諮詢。
如需協助或希望獲得更多資訊,
請直接聯絡該品牌查詢或∕和尋求相關專業意見。
如引起任何損失或法律糾紛，本人概不負責。
♚
✿*ﾟ¨ﾟﾟ･✿MsPeggy✿*ﾟ¨ﾟﾟ･✿
✿Email:applepeggy168@gmail.com
Ig/ FB/ blogspot/ Ublog / 點評 /小紅書/ Tripadvisor/ Googlemap
✿Ig: https://www.instagram.com/peggypeggyhk/
✿點評ID：applepeggy
✿點評連結：http://www.dianping.com/member/995017505
Tripadvisor: ID: applepeggy
Blog:
✿ http://applepeggy.blogspot.hk/
✿ http://www.weshare.hk/peggypeggy/
✿ https://blog.ulifestyle.com.hk/peggy
✿http://www.beautyexchange.com.hk/blog/applepeggy
✿http://blog.qooza.hk/applepeggy
✿http://peggypeggy.theztyle.com
✿https://www.facebook.com/peggyblog/
♚*⊹⊱✿◕‿◕✿⊰⊹*♚
✿╮♥╭✿
沒有留言:
張貼留言